తిరుపతి, నవంబర్ 23: తిరుచనూరు శ్రీ పద్మావతి అమ్మవారి పంచమి తీర్థం (చక్రస్నానం) నేపథ్యంలో భారీ భక్తుల రద్దీని దృష్టిలో ఉంచుకుని తిరుపతి జిల్లా పోలీస్ శాఖ విస్తృత బందోబస్తు ఏర్పాట్లు చేపట్టింది. ఈ క్రమంలో రేపు (నవంబర్ 24, సోమవారం) తిరుపతి జిల్లా ఎస్పీ కార్యాలయంలో నిర్వహించాల్సిన పబ్లిక్ గ్రీవెన్స్ రిడ్రెసల్ సిస్టమ్ (PGRS) కార్యక్రమాన్ని తాత్కాలికంగా రద్దు చేస్తున్నట్లు అధికారులు ప్రకటించారు. జిల్లా ఎస్పీ సుబ్బరాయుడు ఆదేశాల మేరకు ఈ మేరకు ఎస్పీ కార్యాలయం అధికారిక ప్రకటన విడుదల చేసింది. అత్యవసర ఫిర్యాదులు లేదా సమస్యలు ఉన్న ప్రజలు సమీప పోలీస్ స్టేషన్ను ఆశ్రయించాలని లేదా డయల్ 112 ఎమర్జెన్సీ సేవలను వినియోగించుకోవాలని పోలీస్ శాఖ కోరింది. ప్రజలందరూ ఈ మార్పును గమనించి, పంచమి తీర్థం సందర్భంగా జరుగుతున్న భద్రతా ఏర్పాట్లకు పూర్తి సహకారం అందించాలని ఎస్పీ కార్యాలయం విజ్ఞప్తి చేసింది.
Hashtags:
#PanchamiTheertham #Tiruchanur #PadmavathiAmmavariTemple #TirupatiPolice #PGRS #Chakrasnanam #Dial112 #TirupatiNews
About the Author
